ਮੈਂ ਕਿੰਝ ਸੁਣਾਵਾਂ ਗਾਥਾ ਤੇਰੀ ਮਾਂ ਗੁਜਰੀ
ਬੀਤੀਆਂ ਸਦੀਆਂ ਪਰ ਨਾਂ ਦਿਲਾਂ ਚੋਂ ਗੁਜਰੀ ਮਾਂ ਗੁਜਰੀ
ਪਤੀ ਵਾਰਿਆ ਪੁੱਤਰ ਵਾਰਿਆ ਅਤੇ ਵਾਰਿਆ ਸਭ ਪਰਿਵਾਰ
ਪਰ ਨਾਂ ਸਿਰੜ ਮਨੋ ਵਸਾਰਿਆ ਐਸੀ ਸੀ ਤੂੰ ਮਾਂ ਗੁਜਰੀ
ਸਿੱਖੀ ਧਰਮ ਬਚਾਵਣ ਲਈ ਤੁਸਾਂ ਨੀਹਾਂ ਵਿੱਚ ਲਾਲ ਚਿਣਵਾਏ
ਦੇਕੇ ਲੋਰੀਆਂ ਅਣਖਾਂ ਦੀਆਂ ਤੁਸਾਂ ਨੇ ਪਾਠ ਪੜਾਏ
ਐਸੀ ਸੀ ਤੂੰ ਮਾਂ ਗੁਜਰੀ
ਜ਼ੁਲਮ ਜਬਰ ਦੇ ਅੱਗੇ ਨਾਂ ਕਦੇ ਤੇਰੀ ਡੰਗੋਰੀ ਲੜਖੜਾਈ
ਸ਼ਹੀਦੀ ਮਿਝ ਦੇ ਗਾਰਿਆਂ ਨਾਲ ਤੁਸਾਂ ਨੀਂਹ ਰਖਵਾਈ
ਏਸੇ ਸੀ ਤੁਸੀਂ ਮਾਂ ਗੁਜਰੀ
ਇਤਿਹਾਸ ਫਰੋਲ ਕੇ ਪੜ ਲਵੋ ਭਾਵੇਂ ਦੁਨੀਆਂ ਸਾਰੀ ਦਾ
ਜੋ ਸ਼ਹੀਦ ਦੀ ਪੱਤਨੀ ਮਾਤਾ ਤੇ ਦਾਦੀ ਮਾਂ ਕਹਾਈ
ਐਸੀ ਸੀ ਤੂੰ ਮਾਂ ਗੁਜਰੀ
*****—******—-
ਕੀਰਤ ਸਿੰਘ ਤਪੀਆ
