ਸਰਦੀ ਦੀ ਰੁੱਤ
ਸਰਦੀ ਗਈ ਹੈ ਹੁਣ ਆ ਬੱਚਿਓ,
ਠੰਡ ਤੋਂ ਰੱਖਿਓ ਬਚਾ ਬੱਚਿਓ।
ਕੋਟੀਆਂ ਸਵੈਟਰਾਂ ਨੂੰ ਪਾ ਕਿ
ਰੱਖਿਓ,
ਠੰਡ ਵਿੱਚ ਬਾਹਰ ਨਾ ਕਿਤੇ ਵੀ
ਨੱਸਿਓ।
ਇਹ ਜ਼ੋਰ ਦਿੰਦੀ ਆਪਣਾ ਦਿਖਾ ਬੱਚਿਓ,
ਸਰਦੀ ਗਈ ਹੈ ਹੁਣ ਆ ਬੱਚਿਓ।
ਠੰਡ ਤੋਂ ਰੱਖਿਓ……….
ਸਿਹਤ ਆਪਣੀ ਦਾ ਤੁਸੀਂ ਖ਼ਿਆਲ ਰੱਖਣਾ,
ਗਰਮ ਗਰਮ ਚੀਜ਼ਾਂ ਦਾ ਸਵਾਦ ਚੱਖਣਾ।
ਦੁਪਹਿਰ ਵੇਲੇ ਧੁੰਦ ਜਾਂਦੀ ਛਾਅ
ਬੱਚਿਓ,
ਸਰਦੀ ਗਈ ਹੈ ਹੁਣ ਆ ਬੱਚਿਓ।
ਠੰਡ ਤੋਂ ਰੱਖਿਓ………..
ਮੰਨ ਲਿਓ ਤੁਸੀਂ ਵੱਡਿਆਂ ਦੇ ਕਹਿਣੇ ਨੂੰ,
ਸਿਹਤ ਤੇ ਪੜ੍ਹਾਈ ਰੱਖਿਓ ਸਾਂਭ ਗਹਿਣੇ ਨੂੰ।
ਲਿਓ ਨਾ ਸਮੇਂ ਨੂੰ ਗਵਾ ਬੱਚਿਓ,
ਸਰਦੀ ਗਈ ਹੈ ਹੁਣ ਆ ਬੱਚਿਓ।
ਠੰਡ ਤੋਂ ਰੱਖਿਓ………….
ਠੰਡ ਹੁੰਦੀ ਆਉਂਦੀ ਜਾਂ ਜਾਂਦੀ ਮਾਰਦੀ,
ਠੰਡੀ ਹਵਾ ਹੁੰਦੀ ਸਭ ਤਾਂਈ ਠਾਰਦੀ।
ਪੱਤੋ, ਨੇ ਦਿੱਤੀ ਗੱਲ ਸਮਝਾ ਬੱਚਿਓ,
ਸਰਦੀ ਗਈ ਹੈ ਹੁਣ ਆ ਬੱਚਿਓ।
ਠੰਡ ਤੋਂ ਰੱਖਿਓ ਬਚਾ ਬੱਚਿਓ।
ਹਰਪ੍ਰੀਤ ਪੱਤੋ ਪਿੰਡ ਪੱਤੋ ਹੀਰਾ ਸਿੰਘ ਮੋਗਾ ਫੋਨ ਨੰਬਰ
94658-21417