ਵਾਸਤਾ ਪੰਜਾਬ ਦਾ
ਸੁਣ ਲਉ ਪੰਜਾਬੀਉ!
ਵਾਸਤਾ ਪੰਜਾਬ ਦਾ ।
ਪੈਰਾਂ ‘ਚ ਮਿੱਧਿਉ ਨਾ,
ਫੁੱਲ ਇਹ ਗੁਲਾਬ ਦਾ।
,,,,,,,,,,,,,,,,,,,,,,
ਇਹ ਧਰਤੀ ਹੈ ਗੁਰੂਆਂ
ਪੀਰਾਂ ਤੇ ਫ਼ਕੀਰਾਂ ਦੀ।
ਸਾਹਿਬਾਂ ਅਤੇ ਸੱਸੀ,
ਰਾਂਝੇ ਤੇ ਹੀਰਾਂ ਦੀ।
ਬਰਫ਼ ਤੋਂ ਠੰਡਾ ਪਾਣੀ,
ਵਗਦਾ ਝਨਾਬ ਦਾ,
ਸੁਣ ਲਉ ਪੰਜਾਬੀਉ!
ਵਾਸਤਾ ਪੰਜਾਬ ਦਾ ।
ਪੈਰਾਂ ‘ਚ ਮਿੱਧਿਉ ਨਾ,
ਫੁੱਲ ਇਹ ਗੁਲਾਬ ਦਾ।
,,,,,,,,,,,,,,
ਲਾਲ ਖੂਨ ਕਦੇ ਚਿੱਟਾ,
ਹੁੰਦਾ ਨਾ ਪਿਆਰਿਉ।
ਭੁੱਲ ਕੇ ਪੰਜਾਬ ਉੱਤੇ,
ਕਹਿਰ ਨਾ ਗੁਜ਼ਾਰਿਉ।
ਰੱਸ ਭਿੱਨਾ ਹੈ ਸੰਗੀਤ,
ਮਰਦਾਨੇ ਦੀ ਰਬਾਬ ਦਾ,
ਸੁਣ ਲਉ ਪੰਜਾਬੀਉ!
ਵਾਸਤਾ ਪੰਜਾਬ ਦਾ।
ਪੈਰਾਂ ‘ਚ ਮਿੱਧਿਉ ਨਾ,
ਫੁੱਲ ਇਹ ਗੁਲਾਬ ਦਾ।
,,,,,,,,,,,,,,,
‘ਸੁਹਲ’ ਜਿਹੇ ਫੁੱਲ ਹੁਣ,
ਅੱਗ ‘ਚ ਨਾ ਸਾੜਿਉ।
ਸੰਨ ਸੰਤਾਲੀ ਵਾਂਗ,
ਘਰ ਨਾ ਉਜਾੜਿਉ।
ਮਾਂ ਬੋਲੀ ਹੈ ਪਿਆਰੀ,
ਪੜ੍ਹੋ ਵਰਕਾ ਕਿਤਾਬ ਦਾ
ਸੁਣ ਲਉ ਪੰਜਾਬੀਉ!
ਵਾਸਤਾ ਪੰਜਾਬ ਦਾ ।
ਪੈਰਾਂ ‘ਚ ਮਿੱਧਿਉ ਨਾ,
ਫੁੱਲ ਇਹ ਗੁਲਾਬ ਦਾ।
,,,,,,,,,,,
ਮਲਕੀਅਤ ‘ਸੁਹਲ’
9872848610
ਨੋਸ਼ਹਿਰਾ(ਤਿੱਬੜੀ)
ਗੁਰਦਾਸਪੁਰ
