ਕੀ ਹੋ ਰਿਹਾ ? ਕੀ ਚੱਲ ਰਿਹਾ ?
ਕੋਈ ਸਮਝ ਨਾ ਆਉਂਦੀ ਹੈ,
ਕਤਲ ਚੋਰੀ ਠੱਗੀ
ਰੋਜ਼ ਹੁੰਦੀ ਲੁੱਟ ਮਾਰ ਜੀ।
ਕੁੱਝ ਬੰਦੇ ਐਸੇ ਵੀ ਨੇ
ਜੋ ਹੈਵਾਨ ਤੋਂ ਵੀ ਘੱਟ ਨਾ,
ਛੋਟੀਆਂ ਛੋਟੀਆਂ ਬੱਚੀਆਂ ਦੇ
ਵੀ ਕਰਨ ਬਲਾਤਕਾਰ ਜੀ।
ਕਈ ਬੇਕਸੂਰ ਚੁੱਕ ਚੁੱਕ ਅੰਦਰ
ਜੇਲ੍ਹ ਚ ਨੇ ਡੱਕ ਦਿੱਤੇ,
ਬਲਾਤਕਾਰੀਆਂ ਦੀ ਸਜ਼ਾ ਮੁਆਫ
ਹੁਣ ਕਰੇ ਸਰਕਾਰ ਜੀ।
ਆਪਣੇ ਹੱਕਾਂ ਲਈ
ਕੋਈ ਲਾ ਲਵੇ ਧਰਨਾ ਅਗਰ,
ਫੇਰ ਪੁਲਿਸ ਦੇ ਡੋਡਿਆਂ ਦੀ
ਪਿੰਡੇ ਭੈਣੀ ਵੱਡੀ ਮਾਰ ਜੀ।
ਸੱਚ ਬੋਲਣ ਵਾਲੇ ਦਾ ਕਰ ਦਿੰਦੇ
ਮੂੰਹ ਬੰਦ ਇੱਥੇ ਹੁਣ,
ਝੂਠ ਦੀ ਬੱਸ ਕਹਿੰਦੇ
ਕਰੀ ਜਾਵੋ ਜੈ-ਜੈਕਾਰ ਜੀ।
ਹੁਣ ਪਹਿਚਾਣ ਔਖੀ ਹੁੰਦੀ ਬੜੀ
ਚੜ੍ਹਾਏ ਚਿਹਰੇ ਤੇ ਨਕਾਬ ਕਈਆਂ,
ਹੁੰਦੇ ਸਾਡੇ ਨਾਲ ਹੀ ਬੈਠੇ ਪਰ ਪਤਾ
ਨਾ ਲੱਗੇ ਕੌਣ ਹੈ ਗਦਾਰ ਜੀ।
ਭੰਗੁਵਾਂ ਦੇ ਸੱਤੇ ਨੂੰ ਵੀ
ਰਹਿੰਦਾ ਡਰ ਹੀ ਏਹੀ ਲੱਗਿਆ,
ਕੌਣ ਪਤਾ ਨਹੀਂ ਕਿਸ ਵੇਲੇ
ਕਰ ਦੇਵੇ ਪਿੱਠ ਤੇ ਵਾਰ ਜੀ।
ਸੱਤਾ ਸਿੰਘ ਭੰਗੁਵਾ ਵਾਲਾ
