ਹਿੱਦੂ,ਸਿੰਖ,ਈਸਾਈ ਜਾਂ
ਮੁਸਲਮਾਨ ਹੋਵੇ।
ਉਹ ਦਿਲ ਦਾ ਸਾਫ਼ ਤੇ
ਸੱਚਾ ਇਨਸਾਨ ਹੋਵੇ।
ਉਹ ਵੈਰ, ਈਰਖਾ ਤੋਂ
ਕੋਹਾਂ ਦੂਰ ਹੋਵੇ,
ਹਰ ਥਾਂ ਤੇ ਉਹਦਾ
ਸਨਮਾਨ ਹੋਵੇ।
ਸਾਂਝੀਵਾਲਤਾ ਸਦਾ
ਬਣਾਈ ਰੱਖੇ,
ਉੱਚੀ ਸੋਚ ਦਾ ਹੀ
ਗੁਲਸਤਾਨ ਹੋਵੇ।
ਦੁੱਖ- ਸੁੱਖ ਦੇ ਵਿਚ
ਸ਼ਰੀਕ ਹੋਵੇ,
ਲਾਲਚ ਵਿੱਚ ਨਾ
ਬਈਮਾਨ ਹੋਵੇ।
ਰੁੱਤਬਾ ਉਸਦਾ ਹੋਵੇ
ਰੱਬ ਵਰਗਾ,
ਵਸਦਾ ਉਸਦੇ ਵਿਚ
ਭਗਵਾਨ ਹੋਵੇ।
ਰੂਪ ਰੱਬ ਦਾ ਉਹ
ਹੈ ਬਣ ਜਾਂਦਾ
ਦੁੱਖ-ਦਰਦ ਦੀ ਜ੍ਹਿਨੂੰ
ਪਹਿਚਾਣ ਹੋਵੇ।
ਧਰਮ,ਕਰਮ,ਈਮਾਨ
ਸੰਭਾਲਦਾ ਉਹ
ਜਿਸ ਨੂੰ,ਮਨੁੱਖਤਾ ਦਾ
ਗਿਆਨ ਹੋਵੇ।
‘ਸੁਹਲ’ ਸ਼ਕਤੀ ਉਹਨੂੰ
ਹੀ ਮਿਲਦੀ ਹੈ,
ਜਿਨ੍ਹਾਂ ਦੁਖੀਆਂ ਲਈ
ਵਾਰੀ ਜਾਨ ਹੋਵੇ।
ਮਲਕੀਅਤ ‘ਸੁਹਲ’
ਮੋ-9872848610